ആ നീലകണ്ണ്

മഞ്ഞിൻ്റെ തണുപ്പിൽ കണ്ട ആ കണ്ണ്!

കാശ്മീരിൽ എൻ്റെ മരവിച്ച ശരീരം കാണുന്ന ജീവനുള്ള കാഴ്ച ആ കണ്ണായിരുന്നു.

ചെമ്പൻ രോമങ്ങൾ ഭംഗി പാകിയ പുരികത്തിന് താഴെ കറുപ്പെഴുതിയ ആ നീലകണ്ണ്.

എൻ്റെ ലോകം മുഴുവൻ ആ കണ്ണിലേക്ക് ആഴ്ന്ന് പോയിരിക്കുന്നു!

ഗുൽമാർഗും സോനാമാർഗും പെഹൽഗാമുമൊക്കെ ആ കണ്ണിൻറ വശ്യതക്ക് മുന്നിൽ ചെറുതായതു പോലെ...

ആ കണ്ണിലേക്ക് അത്രമേൽ ഞാൻ ആഴ്ന്ന് പോയിരിക്കുന്നു!

ആ നീലകണ്ണുകൾ, ആ സുന്ദരിയുടെ കശ്മീർ താഴ് വര...

ഇനിയുമൊരിക്കൽ പോകണം,

അല്ല...

പലതവണ പോകണം, കണ്ണടച്ചാൽ മഞ്ഞിൽ നിറയുന്ന ആ നീലകണ്ണുള്ള സുന്ദരിയെ കാണാൻ....