ചുവരുകൾക്കപ്പുറം

 

ആർത്തലച്ചു വരുന്ന തിരമാലകൾ

വീണ്ടും താണ്‌ മണ്ണും കലക്കി ഉയർന്നലച്ച്-

എന്റെ നേർക്ക് പാഞ്ഞു വരുന്നു...

ഉപ്പു വെള്ളം കണ്ണിലും ദേഹത്തും

ഒലിച്ചിറങ്ങിയ ഉപ്പു വെള്ളങ്ങൾ

തമ്മിൽ വഴക്കായി...

ചെറിയ പടല പിണക്കങ്ങൾ...

ഉപ്പിന്റെ സാന്ദ്രതയിൽ തട്ടിയുള്ള പിണക്കങ്ങൾ...

ചുവരുകൾക്കപ്പുറം നനഞ്ഞുണങ്ങിയ കണ്ണും,

ഇപ്പുറം കഠിനമായ മനസ്സും. 

യുദ്ധത്തിലാണ്....

അണുബോംബ് വർഷിക്കാൻ ശ്രമിക്കുന്ന മനസ്സും,

മരണത്തെ അഗാതമായി സ്നേഹിച്ച മറ്റൊരു ഹൃദയവും!

ചുവരുകൾക്കപ്പുറവും ഇപ്പുറവും പ്രക്ഷുക്തമാണ്... മരണവീട് പോലെ ശൂന്യവും...